ئەسسالاممۇ ئەلەيكۇم ! ئۇزار تور بىكىتىمىزگە خۇش كەپسىز !

چۈشۈرۋېلىڭ يانفۇن نۇسخىسى
باشبەت ئىنتىل ئېلان ئورنى
19-قۇرۇلتاي تەشۋىقاتى
ئېلان 250  X  ئېلان ئورنى  350

مۇشۇ تۈردىكى يېڭى خەۋەرلەر

ئېلان 250  X  ئېلان ئورنى  350

«ﻳﻪﺳﻠﻰ ﻣﺎﺋﺎﺭﯨﭙﻰ»ﻏﺎ ﻳﺎﺭﺍﻣﻠﯩﻖ ﺋﻮﻗﯘﺗﻘﯘﭼﻰ ﻛﯧﺮﻩﻙ

مەنبە : نۇر تورى يوللىغۇچى : جاھانكەزدى يوللانغان ۋاقتى : 2017-01-12

«يەسلى مائارىپى»غا ياراملىق ئوقۇتقۇچى كېرەك

 مۇيەسسەر ئاباھامىت


شىنجاڭ گېزىتى خەۋىرى: 

ئاپتونوم رايونىمىز يېقىنقى يىللاردىن بۇيان جەنۇبىي شىنجاڭنىڭ ئوقۇش يېشىغا توشمىغانلار ‹‹قوش تىل›› مائارىپىغا كۆپلەپ مەبلەغ سېلىپ، جەنۇبىي شىنجاڭدىكى ئۈچ ۋىلايەت، بىر ئوبلاستتا ‹‹قوش تىل›› يەسلىلىرىنى كۆپلەپ قۇردى، ئەسلىھەلەرنى تولۇقلاپ، شارائىتىنى ياخشىلاپ، جەنۇبىي شىنجاڭدىكى ئۈچ ۋىلايەت، بىر ئوبلاستنىڭ يېزىلىرىدىكى ئوقۇش يېشىغا توشمىغان بالىلارنى يېقىن ئەتراپتا يەسلىگە كىرىپ، مۇنتىزىم يەسلى مائارىپىدىن بەھرىمەن بولۇش پۇرسىتىگە ئىگە قىلدى. ئاپتونوم رايونلۇق پارتكوم بۇلتۇر كۈزدە جەنۇبىي شىنجاڭدىكى ئۈچ ۋىلايەت، بىر ئوبلاستنىڭ يېزىلىرىدىكى ئوقۇش يېشىغا توشمىغان بالىلارنى ‹‹قوش تىل›› بويىچە ئۈچ يىل ھەقسىز تەربىيەلەشتىن ئىبارەت ئىستراتېگىيەلىك تەدبىرىنى تۈزدى، ج ك پ ئاپتونوم رايونلۇق 9–قۇرۇلتىيىدا جەنۇبىي شىنجاڭنىڭ ‹‹قوش تىل›› مائارىپىنى نۇقتىلىق چىڭ تۇتۇشنى ئالاھىدە تەكىتلىدى. ئاپتونوم رايونلۇق پارتكوم، خەلق ھۆكۈمىتى بۇلتۇر 11–ئايدىن باشلاپ ئاپتونوم رايونىمىزدىكى ئىدارە–ئورگان ۋە جايلاردىكى ئالاقىدار تارماقلاردىن 3000 خادىم ئاجرىتىپ، جەنۇبىي شىنجاڭدىكى ئۈچ ۋىلايەت، بىر ئوبلاستقا مائارىپقا ياردەم بېرىش خىزمىتىگە ئەۋەتىپ، يەسلى ئوقۇتقۇچىلىرى قىس بولۇش مەسىلىسىنى ئۈنۈملۈك ھەل قىلدى. بۇنىڭ بىلەن جەنۇبىي شىنجاڭنىڭ يېزا–كەنتلىرىدىكى 100 مىڭدىن كۆپرەك بالا يېڭىدىن يەسلىدە مۇنتىزىم تەربىيەلىنىش شارائىتىغا ئىگە بولدى. ئەمما بۇنىڭ بىلەن جەنۇبىي شىنجاڭنىڭ يېزا–كەنتلىرىدىكى يەسلىلەردە ئوقۇتقۇچى يېتىشمەسلىك مەسىلىسى تۈپتىن ھەل بولغىنى يوق. 2017–يىلى ئاپتونوم رايونلۇق پارتكوم، خەلق ھۆكۈمىتى يېڭىدىن 4387 يەسلى قۇرۇشنى پىلانلاپ، تېخىمۇ نۇرغۇن بالىنى يەسلىگە كىرىپ، ‹‹قوش تىل›› تەربىيەسى ئېلىش شارائىتىغا ئىگە قىلىشنى قارار قىلدى. سىياسىي كېڭەش ئاپتونوم رايونلۇق 11–نۆۋەتلىك كومىتېتىنىڭ 5–يىغىنىغا قاتنىشىۋاتقان سىياسىي كېڭەش ئەزالىرى گۇرۇپپا مۇزاكىرىسىدە ‹‹يەسلى مائارىپى››نى تەرەققىي قىلدۇرۇش توغرىسىدا قىزغىن مۇھاكىمە يۈرگۈزۈپ، نۇرغۇن ياخشى تەكلىپ–پىكىرلەرنى ئوتتۇرىغا قويدى.

ئەزا، شىنجاڭ پېداگوگىكا ئۇنىۋېرسىتېتى پارتكومىنىڭ مۇئاۋىن شۇجىسى، مەكتەپ مۇدىرى ۋەلى بارات مۇنداق تەكلىپ بەردى: يەسلى مائارىپىنى يۈكسەلدۈرۈشتە لاياقەتلىك، سىستېمىلىق تەربىيە كۆرگەن ئوقۇتقۇچىلار قوشۇنىنى تەربىيەلەپ يېتىشتۈرۈش ئىنتايىن زۆرۈر. شۇڭا ئالىي مەكتەپلەر، جۈملىدىن پېداگوگىكا ئۇنىۋېرسىتېتلىرىدا يەسلى مائارىپى كەسپىگە ئوقۇغۇچى قوبۇل قىلىش سالمىقىنى ئاشۇرۇش كېرەك. ئۇنىڭدىن باشقا، يەسلىلەردىكى باشقۇرغۇچىلارنى پېداگوگىكا ئۇنىۋېرسىتېتلىرىدا قەرەللىك تەربىيەلەپ، ئۇلارنى يەسلى باشقۇرۇش ۋە يېڭىچە ئوقۇتۇش مېتودىدىن ۋاقتىدا خەۋەردار قىلىش ئىنتايىن زۆرۈر.

ئەزا، قەشقەر كوناشەھەر ناھىيە تاشمىلىق يېزىلىق ئوتتۇرا مەكتەپنىڭ ئوقۇتقۇچىسى داۋۇت ئەلى ئاۋۇت مۇنداق تەكلىپ بەردى: ناھىيەمىزدە 119 كەنتنىڭ 71ىدە يەسلى بار، ناھىيەمىزدىكى بەزى كەنتلەر تارقاق بولغاچقا، چەت، يىراق كەنتلەردە ئوقۇش يېشىغا توشمىغان نۇرغۇن بالا يەسلى مائارىپىدىن بەھرىمەن بولالمايۋاتىدۇ. شۇڭا يىراق يېزا–كەنتلەرمۇ بالدۇرراق پىلانغا كىرگۈزۈلۈپ، چەت يېزا – كەنتلەردىكى بالىلارمۇ كىچىكىدىنلا ‹‹قوش تىل›› ئاساسىنى پۇختىلاپ، خۇشال – خۇرام، ساغلام تەربىيەلىنىش مۇھىتىغا ئىگە قىلىنسا.

ئەزا، چاقىلىق ناھىيەلىك خەلق دوختۇرخانىسى ئىچكى كېسەللىكلەر بۆلۈمىنىڭ مۇئاۋىن مۇدىرى ئابلىز ئابلا مۇنداق تەكلىپ بەردى: يېقىنقى بەش يىلدىن بۇيان، ناھىيەمىزدىكى يېزا–بازارلاردا بىردىن–ئىككىگىچە، ناھىيە ئىچىدە ئۈچتىن–بەشكىچە يەسلى كۆپىيىپ، ئوقۇش يېشىغا توشمىغان بالىلار ‹‹قوش تىل››دا تەربىيەلىنىش پۇرسىتىگە ئىگە بولدى. لېكىن ناھىيەمىزدە يېزا–كەنتلەر تارقاق، نۇرغۇن بالا تېخى يەسلى مائارىپىدىن بەھرىمەن بولۇش پۇرسىتىگە ئېرىشەلمىدى. ئاپتونوم رايون جەنۇبىي شىنجاڭدىكى ئۈچ ۋىلايەت، بىر ئوبلاستقا ئالاھىدە كۆڭۈل بۆلۈپ، يەسلى ئوقۇتقۇچىلىرىنى مەخسۇس تەربىيەلەۋاتىدۇ، جەنۇبىي شىنجاڭدا مائارىپقا ياردەم بېرىش پىلانىنى يولغا قويۇپ، ئوقۇتقۇچىلار قوشۇنىنى تولۇقلاۋاتىدۇ. ناھىيەمىزمۇ چەت، يىراق ناھىيە، قاتنىشى قولايسىز، ئىقتىسادىي تەرەققىياتى تۆۋەنرەك. شۇڭا، ناھىيەمىزنىڭ يەسلى مائارىپىغىمۇ ئالاھىدە كۆڭۈل بۆلۈنۈپ، يەسلىلەر كۆپەيتىلسە، تېخىمۇ كۆپ يەسلى ئوقۇتقۇچىلىرى تەربىيەلىنىپ، يەسلى ‹‹قوش تىل›› ئوقۇتقۇچىلىرى قوشۇنى تېخىمۇ زورايتىلسا.


مەنبە: http://uy.ts.cn/news/content/2017-01/12/content_578846.htm?lang=uy




ئەسلى مەنبەسى : http://www.nur.cn/news/2017/01/354621.shtml

ئېلان 250  X  ئېلان ئورنى  350 سالون كودى

مۇناسىۋەتلىك خەۋەرلەر