تەرمىلەر باش بېتى ئەدەبىيات گۈلزارى تۇرمۇش ساۋاتلىرى قىزىقارلق پاراڭلار مەشھۇر شەخىسلەر ساغلاملىق بىلملىرى خانىم - قىزلار مائارىپ ئۇچۇرى يانفۇن ھەققىدە مۇھەببەت ئۈنچىللىرى ئۇزار يېڭلىقلىرى ئۆرىپ-ئادەتلىرىمىز بالىلار ساغلاملىقى قانۇن بىلملىرى شركەت-كارخانلار
تەۋسىيەلىك مەزمۇنلار
ئەڭ يېڭى يوللانغان مەزمۇنلار
يېڭى مەزمۇنلار
ﮔﯚﮪﻪﺭ ﻳﺎﺗﯩﺪﯗ ﺳﺎﻳﺪﺍ، ﺗﻮﻧﯘﻣﯩﺴﺎ ﻧﯧﻤﻪ ﭘﺎﻳﺪﺍ

مۇخبىر ئۆزىچە بۇ ئىشنى ھاياتىمدىكى ئۇنتۇلماس بىر كۈن دەپ ئويلىغان ئىدى. يېقىندا ئۇ يېڭى سەھنىلەشكەن تىياتىر «ھاملىت» نىڭ ئاپتورى شىكىسپىرنى زىيارەت قىلىش ۋەزىپىسىنى تاپشۇرۇپ ئالدى. ياش مۇخبىر لوندوندىكى بارلىق يازغۇچى-ئەدىبلەرنى زىيارەت قىلىپ بولغاچقا، شىكىسپىرنى قانداق زىيارەت قىلىشنىمۇ ئويلىشىپ قويغان ئىدى. بۈگۈن مۇخبىر ئالدىن كېلىشىپ قويغان كىچىك قاۋاقخانىغا بالدۇرراق كېلىپ، بۇ ئالاھىدە زىيارەت ئوبيېكتىنى ساقلاشقا باشلىدى.

- سىز بىرسىنى ساقلاۋاتامسىز؟- دەپ سورىدى بىر مويسىپىت ئادەم مۇخبىردىن. مۇخبىر تۇرقى ئادەتتىكىچە، بويى پاكار، پاينەكباش بۇ كىشىگە زەن سېلىپ قاراپ چىقتى.

- شۇنداق، بىرسىنى ساقلاۋاتىمەن. كىمنى ساقلاۋاتقىنىمنى بىلەمسىز؟ نامى مەشھۇر شېكىسپېر ئەپەندىمنى ساقلاۋاتىمەن،- مۇخبىر كۆرەڭلىگىنىچە شۇنداق دېدى.

- ئىلگىرى شىكىسپىرنى كۆرگەنمىدىڭىز؟ - دەپ سورىدى مويسىپىت كىشى. 

مۇخبىر ھاياجىنىنى ئازراقمۇ يوشۇرماستىن:

- تېخى كۆرۈپ باقمىغان، بىراق بۈگۈن ئۇنىڭ بىلەن ئۇچراشماقچى ئىدىم. مەن يېڭىدىن سەھنىگە ئېلىپ چىقىلغان «ھاملىت» توغرىسىدا ئۇنى زىيارەت قىلماقچى،-دېدى.

- مەنمۇ ئۇ تىياتىرنى كۆردۈم، خېلى ياخشى ئوينىلىپتۇ. بىراق بەزى يەرلىرى مەنىسىز ئىكەن. سىز نېمىشقا شىكىسپىرنى ئۇلۇغ دەپ تەرىپلەيسىز؟- دېدى بوۋاي.

مۇخبىر ئۆزىچە بۇ نادان بوۋاي بىلەن ئۆز تەسىراتلىرى بىلەن ئورتاقلاشقۇسى كەلدى ۋە كەڭ-كۇشادە ئولتۇرۇپ پاراڭغا چۈشۈپ كەتتى.

- نۇرغۇن كىشىلەر شېكىسپېر ئەپەندىمنىڭ تالانتىنى ھەقىقىي چۈشەنمەيدۇ. ئەسەردە ئارقىمۇ ئارقا ئىشلىتىلگەن نازۇك ئوخشىتىشلارنى ھېس قىلالمىدى. مەسىلەن، ئەسەردە تىلغان ئېلىنغان «قۇلاق» ئەمەلىيەتتە ھەقىقەتنى بۇرمىلىغان ياكى ھوقۇق پېيىدە بولغانلار ئىشلىتىدىغان قورال. ھامىلىتنىڭ سەھنە سۆزىدە كۆپ يەردە قۇلاق تىلغا ئېلىنىدۇ.

ئاغزى-ئاغزىغا تەگمەي سۆزلەپ كېتىۋاتقان مۇخبىر بوۋاينىڭ كۈلىۋىتىشتىن ئۆزىنى ئاران تۇتۇپ تۇرغانلىقىنى ھېس قىلدى.

- «قۇلاق»نى ئىشلىتىشتە نېمە بولسا شۇنى ئىشلەتكەندەكلا ئىش،باشقىچە كىنايە مەنىسى بولمىسىچۇ؟- دەپ سورىدى بوۋاي. 

- مۇمكىن ئەمەس،- دېدى مۇخبىر ئاۋازىنى كۆتۈرۈپ،- شېكىسپېر تالانت ئىگىسى، ئۇنىڭ ئىنسان تەبىيىتىنى كۆزىتىشى چوڭقۇر، بۇنى نۇرغۇن ئادەم بىلمەيدۇ. ھېلىقى سەھنە سۆزىنى ئويلاپ باقايلى« ياشاش كېرەكمۇ ياكى ھالاك بولۇشمۇ». 

بوۋاي تەبەسسۇم قىلغان ھالدا:

- بۇ سۆزنىڭ قانداق مەنىسى بار؟- دەپ سورىدى.

- ھىم.

بوۋاي كۈلكىسىنى يوشۇرالماي، بېشىنى كۆتۈرۈپ قاقاقلاپ كۈلۈپ كەتتى. مۇخبىر ئوڭايسىزلانغان ھالدا:

- كەچۈرۈڭ، مېنىڭ «ھاملىت» قا بولغان چۈشەنچەم بەك چوڭقۇر، بىراق سىز سورىغان سوئالغا قەيەردىن باشلاپ جاۋاب بېرىشنى بىلەلمىدىم... شېكىسپېر ئەپەندىم مەسىلىلەرنى پەلسەپەۋى ئۇسۇللار بىلەن ئانالىز قىلىدۇ، ھەرگىزمۇ ماددىنىڭ تاشقى كۆرۈنىشى بىلەن چەكلەنمەيدۇ.

- ئۇنىڭ پىكىر قىلىش ئۇسۇلىنى تىلغا ئالغۇچىلىكى بار،- بوۋاي بىر ئاز تۇرۇۋېلىپ كۈلكىسىنى زورىغا بېسىۋالدى ۋە ،-سىز مېنى دەۋاتىسىز ھە، مەن شىكىسپىرنى دېمەكچى، سىز ئۇنى ئىنسان تەبىئىتىنى ئوبدان بىلىدۇ دېدىڭىز، بىلەمسىزكى، ئىنسان تەبىئىتىنىڭ مۇھىم بىر تەرىپى ئۆزىنىڭ نادانلىقىنى مەڭگۈ ئېتىراپ قىلماسلىق. مەيلى ئۇلار بىلمەيدىغان ئىشلارغا يولۇقسۇن، بىر نېمىلەرنى توقۇپ بولسىمۇ يېپىپ كېتىدۇ. بەزى داڭدار ئەدىبلەر چىرايلىق سۆز-ئىبارىلەر بىلەن كىشىلەر بىلمەيدىغان نەرسىلەرنى يېزىپ تولدۇرۋېتىدۇ. ئۇنى ئوقۇپ چۈشەنمەكچى بولغانلار بولسا، ئۆزىنى شۇ ئەھمىيەتسىز سۆز-ئىبارىلەنىڭ چوڭقۇر مەنىسى بارلىقىغا ئۆزىنى ئىشەندۈرمەكچى بولىشىدۇ. مەسىلەن، يۇلتۇزلۇق تۈندىكى سايە مەڭگۈ پېتىپ كەتتى دېگەن جۈملىنىڭ مەنىسى بارمۇ؟ 

مۇخبىر بىر ئاز ئويلانغاندىن كېيىن:

- يۇلتۇز يورۇقلۇق چىقارغۇچى جىسىم، لېكىن...

- ياق، ياق، ياق، سىز مېنىڭ سوئالىمنى چۈشەنمەپسىز،- دېدى بوۋاي ئۇنىڭ سۆزىنى بۆلۈپ. مۇخبىر ۋارقىراپ كەتتى:

- سىز گېپىمنى قىلدۇرمىدىڭىز، يۇلتۇز يورۇقلۇق چىقىرىدىغان جىسىم، سايە بولسا قاراڭغۇ بولىدۇ، شۇڭا...

بوۋاي بېشىنى چايقاپ ئۇھسىنغىنىچە:

- يۇلتۇزلۇق تۈندىكى سايە بىلەن مەڭگۈلۈك دېگەن ئىبارىلەر پەقەت مېغىزى يوق سۆز ئىبارىدۇر، قىلچە مەنىسى يوق. بىراق كىشىلەر دائىم  ئۇنىڭ «چوڭقۇر» مەنىسىنى ئىزدىمەكچى بولىدۇ، كۆز ئالدىدىكى ھەقىقەت ۋە ئادەمنى كۆرمەسكە سېلىۋالىدۇ.

مۇخبىر بېشىنى چايقاپ، جاھىللارچە:

- سىز شېكىسپېردەك ئىستېدات ئىگىسىنى ئازراقمۇ چۈشەنمەيدىكەنسىز،- دېدى.

بوۋاي ئۇلۇغ كىچىك تىنىپ قويدى ۋە ھېسابات تالونىغا ئۆز ئىمزاسىنى قويۇپ، مۇلازىمەتچىگە سۇندى. ئىمزا ئورنىغا مۇنداقلا قارىغان مۇلازىمەتچىنىڭ چىرايىدا بۇ كىشىگە بولغان ھۆرمەت جىلۋىلەندى.

ئۇزۇن ئۆتمەي بوۋاي قاۋاقخانىدىن ئايرىلدى. مۇخبىر بولسا ئۆز زىيارەت ئوبيېكتىنى ساقلاپ ئولتۇراتتى. ئەگەر بايا ئۇ بوۋاينىڭ ئىمزاسىغا سەللا دىققەت قىلغان بولسا، شېكىسپېر ئەپەندىمنىڭ 15 مىنۇت ئىچىدىكى يۈرۈش-تۇرۇشلىرىنى بىلىپ بولاتتى. 


خالىدە ئوسمان تەرجىمىسى




ئەسلى مەنبەسى : http://www.nur.cn/news/2017/01/353793.shtml

ئەسلى مەنبەسى: نۇر تورى
تەۋسىيە: تور بىكىتىمىزنىڭ ئادىرىسىنى بىۋاستە بېسىپ كىرىشكە ئادەتلىنىڭ! http://www.uzar.cn
  • بۇ مەزمۇنلارنىمۇ چۇقۇم ياقتۇرۇپ قېلىشىڭىز مۇمكىن
  • بىكىتمىزنىڭ بارلىق ھۇقۇقى ئۇزار تور مۇلازىمەت تورلايىھە گۇرۇپپا ئشىخانىسىغا مەنسۈپ
  • ئەسكەرتىش: بېكىتىمىزدىكى بىر قىسىم مەزمۇنلار توردىن يىغىلغان بۇلۇپ نەشىرى ھۇقۇقى ئەسلى مەنبەسىگە تەۋە. تور بىكىتمىزدە نەشىرى ھۇقۇقىغا دەخلى قىلدى دەپ قارالغان ھەرقانداق مەزمۇن بىرەدەك ئۈچۈرۈلىدۇ
  • بىكەت مەسئۇلى : شىرئەلى ئىمىنتوختى ، ئىلان ئالاقە ھەمكارلىق تېلىفۇنى: 15009049634
  • ئۇزار تورى ئۈندىدار سالونى
    كۈندىلىك يېڭى ئۇچۇرلار،ساغلاملىق بىلملىرى،مەشھۇر شەخسلەر ،قاتارلىق مەزمۇنلاردىن ھۇزۇلىنالايسىز